
«Fru Christine Storm Munch og hennar kokebok» blir lansert denne veka (på Munchmuseet i Oslo måndag, på Gammel-Kleppe i Vågå onsdag kveld). Christine Storm Munch (1746-1825) var prestefrue og oppskriftsamlar frå Vågå. I boka får vi nokre av svara på kva for råvarer ho hadde som embetsmannsfrue i eit bygdesamfunn, korleis var tilhøva i ein prestefamilie, korleis kunne ei særeigen kvinne som Christine Storm Munch vekse fram og skape slike kulinariske finessar som kjem fram i dei originale handskrivne oppskriftene hennar?
Boka kan inspirere til å ta i bruk gamle mattradisjonar.
Torveig Dahl i Gudbrandsdalsmusea er redaktør, og ho har med Unn Bostad, Arne Brimi, Johan Storm Munch og Ivar Teigum i redaksjonen.