Ordføraren i Kåfjord kommune i Troms tek initiativ til nasjonal dugnad for å rive gamle fjøs under forfall. (Foto: Kåfjord kommune)
Rundt omkring i Norge står det svært mange gamle fjøs – og mange av desse er under forfall. Riving har relativt høge kostnadar og mange av dei vert difor ståande å rotne på rot. Til NRK seier ordføraren i Kåfjord kommune, Svein Lerios i dag at han ønskjer ein nasjonal dugnad for å få fjerna mange av desse gamle fjøsa. NRK skriv også at Lerios har teke kontakt med Fylkesmannen i Troms som er positiv til å bidra – gjeve at kommunen ønskjer å nytte skjønnsmidlar til dette.