Den nasjonale Kulturlandskapsprisen 2018 blir tildelt Torild Langklopp og Roar Svenning for deira landskapspleiearbeid. (Foto: Erik Lillebråten / Norsk Kulturarv)
Den nasjonale Kulturlandskapsprisen 2018 blir tildelt Torild Langklopp og Roar Svenning for deira initiativ og arbeid med å skjøtte kystlynghei-landskapet på eigedomen sin, Troningen gård på
Stokkøya i Åfjord kommune. Heiene er under tilbakeføring ved rydding av skog, lyngsviing og beiting av sau. Den enorme innsatsen for kystlyngheiene på Stokkøya, er blant anna kome i stand gjennom dugnadar der WWF, Norsk Botanisk Forening, Norges Naturvern-forbund og andre interesserte aktørar, har stilt opp.
Kystlynghei finst langs kysten frå Hvaler i Østfold til Lofoten i Nordland og er forma gjennom rydding av kratt og buskar og fleire tusen års beiting og lyngbrenning. Viktig naturmangfald er knytt til kystlynghei som til dømes blomeplantar, grasartar, mosar, lav og insekt som villbier og den truga kysthumla.
Langklopp og Svenning driv jordbruk med sau og utnyttar aktivt ressursane gjennom slått og beite. I tillegg driv dei hotellet Stokkøya Sjøsenter. Opplevingar er basert på det naturen har å tilby gjennom til dømes dykking i sjøen eller vandring i kulturlandskapet og kystlyngheiene der skuleklassar, turistar og andre aktørar stadig er på vitjing. Dette er eit godt døme på verdiskaping basert på aktivt bruk av alle gardens ressursar. Eigarane legg stor vekt på å formidle kunnskap om sitt arbeid og om kystlyngheiane til dei som kjem til Stokkøya.
Tildelinga gjekk for seg på Stokkøya Sjøsenter som dei to prisvinnarane også driv og det var statssekretær, Hanne Maren
Statssekretær i Landbruks- og Matdepartementet, Hanne Maren
Blåfjelldal delte ut Kulturlandskapsprisen til Torild Langklopp og Roar Svenning.
Foto: Erik Lillebråten / Norsk Kulturarv
Blåfjelldal (FrP) som delte ut prisen.