Den nasjonale Kulturlandskapsprisen 2025 er delt ut til Rita Dyrnes Flatvad og Knut Flatvad på Østigard Flatvad i Sunndal i Møre og Romsdal. GRATULERER med velfortent pris. 4 generasjonar Flatvad tok imot. Landbruks- og matminister Nils Kristen Sandtrøen stod for overrekkinga.
Dei har dreve garden Østigard Flatvad sidan 2005.
Som heiltidsbønder har dei utvikla garden til ei mangfaldig bedrift. Dei er gode eksempel på korleis
bønder kan bidra positivt på viktige område, som auka verdiskaping og å ivareta kulturminne,
kulturlandskap og naturmangfald.
Dei har dei siste åra rydda eit stort kulturbeite for storfe, og arbeider nå med å få til beiting i gamle
seterområder igjen. Det er lagt inn mykje innsats for å fjerne uønska artar, og for å så inn stadeigne
blomar for å ivareta pollinerande insekt.
I dag bur tre generasjonar på garden. Alle delaktige i gardsdrifta.
Drivarane har ein aktiv landbruksproduksjon med to foretak: Flatvad Mjølk DA med ca 55 mjølkekyr
og Østigard Flatvad – 27 avlspurker og ca 390 smågris. Østigard Flatvad har 900 mål jord. Noko av
dette er leigd frå andre gardar i bygda. I tillegg har dei produksjon av gras og korn. Den aktive bruken
av innmark- og utmarksressursane utgjer ein heilskap.
I ti år har Rita hatt besøksgard for barnehagar og skular. Ungane har fått lære om aktivt landbruk, og
har fått dyrke mat i kjøkenhagen på garden. Grønnsakene blir brukte på skulekjøkenet.
I tunet på Flatvad er det 3 SEFRAK-registrerte hus; Ei smie frå 1800-talet, eit stabbur og nordmørslån frå 1700-talet.
– «Knut og Rita sitt arbeid viser tydeleg viktigheita av det aktive landbruket, som kulturlandskapspleiar og
som produksjonslandskap for å sikre norsk matproduksjon. Deira innsats gjer dei til framifrå ambassadørar
for landbruket», uttala statsforvaltar og juryleiar Else May Botten da Knut og Rita vann
Kulturlandskapsprisen i Møre og Romsdal for 2024.
Knut Flatvad og Rita Dyrnes Flatvad engasjerar seg også i grendelaget, og har blant anna vore med på
å opparbeide turstigar i området. Dei er aktive og engasjerte medborgarar, og Knut har i tillegg vore
leiar for Sunndal Bondelag i mange år.
Norsk Kulturarv har teke initiativ til Den Nasjonale Kulturlandskapsprisen og samarbeider med
Landbruks- og matdepartementet om utvelgelsen kvart år.
Statsforvaltarane, bondeorganisasjonane og andre er forslagsstillarar til kandidatar til Den Nasjonale
Kulturlandskapsprisen.
Kandidtatane blir vurderte etter følgjande kriterier:
Det skal vera gjort ein ekstra innsats for kulturlandskapet
Det skal bidra til heilheit og mangfald i/for kulturlandskapet
Det skal bevare og synleggjera kulturlandskapet
Det skal vera knytta til bærekraftig skjøtsel, aktivt landbruk og moderne drift av kulturlandskapet
Det skal auke tilgjengelegheita for allmennheita til kulturlandskapet
Det skal ha en læringseffekt om kulturlandskapet
Det skal forankre norsk kulturarv i kulturlandskapet
Det skal visast samanheng mellom natur og bygningar i kulturlandskapet
Det skal visast samanheng mellom kulturlandskap og verdiskaping
Hensikten med å dele ut ein årleg nasjonal kulturlandskapspris er å –
Bevisstgjera allmennheita på utfordringar i forhald til kulturlandskapsverdiar
Auke kunnskapsnivået om kulturlandskapet
Bevisstgjera miljøverdiane i kulturlandskapet
Stimulere til å ta vare på og utvikle kulturlandskapet gjennom gode eksempel
Prisen er tidlegare tildelt:
2007 – Hjartdal kommune, Telemark og ordførar Olav Tho
2008 – Herand Bygdelag i Jondal kommune, Hordaland
2009 – Nordherad-prosjektet i Vågå kommune, Oppland
2010 – Vegaøyans Venner
2011 – Maridalens Venner
2012 – Historiske hager ved Marianne Olssøn og Ingeborg Sørheim, Ringsaker
2013 – Hauan Gard, Re kommune
2014 – Storfjordens Venner, Møre og Romsdal
2015 – Fruktbygda SA, Gvarv i Telemark
2016 – Ikkje utdelt pris
2017 – Bøndene på Kvitsøy
2018 – Torhild Langklopp og Roar Svenning – Troningen gård på Stokkøya i Åfjord kommune, Trøndelag
2019 – Uttakleiv Grendelag, Vestvågøy i Lofoten, Nordland
2020 – Goarahat og Sandvikhalvøya utvalgte kulturlandskap, Porsanger i Finnmark
2021 – Reinert Kjølleberg, Vanse i Agder
2022 – Nettverket Stange Vestbygd, Innlandet
2023 – Skjolden beitelag, Vestland
2024 – Verdensarvbøndene i Undredal, Vestland
Jury for årets pris er:
Landbruks- og matminister Nils Kristen Sandtrøen – Juryleiar
Bjørn Gimming, leiar i Norges Bondelag
Tor Jacob Solberg, leiar i Norsk bonde- og småbrukarlag
Eli Reistad, administrerande direktør i Landbruksdirektoratet
Hanna Geiran, riksantikvar
Jørn Holme, styreleiar i Stiftelsen Norsk Kulturarv
Prisen er eit grafisk blad utført i tresnitt av Hans Normann Dahl samt 50 000,- kroner bevilga
av Landbruks- og matdepartementet.