I forbindelse med at Maihaugen skal ha den nordiske utstillinga «MAT – mer enn et måltid» i 2022/2023, dreg nå prosjektet «Barnas matfat i Innlandet» i gang.
Maihaugen og Norsk Smaksskule samarbeider om matprosjektet som er retta mot barn og unge på 9.trinn i Innlandet. Elevane skal dokumentere lokale og regionale matrettar og setja fokus på regionale særpreg og likskapar i innlandsk matkultur. Elevane skal i samarbeid med prosjektet og lærarar lære meir om norsk og internasjonal matkultur med utgangspunkt i sitt lokalmiljø gjennom undervisning, tilbereding av matrettar, samt lage si eiga matutstilling. I neste omgang skal delar av utstillingane presenterast på Maihaugen i forbindelse med den nordiske utstillinga «Mat – mer enn et måltid».
Vi slår på stortromma og brukar mesterkokk Arne Brimi og Frida Vennerød-Diesen på kick-off kurs for mat- og helselærarar på 9.trinn i heile Innlandet. Fyrste kurset går av stabelen på Vianvang 28.mars. Brimi og Vennerød- Diesen vil inspirere mange lærarar til å melde seg på. Desse to kapasitetane held og kurs på Dokka, Alvdal og Geitmyra Matkultursenter i Ringsaker.
Frida Vennerød-Diesen er forskar med mastergrad i utviklingspsykologi, og ein doktorgrad i utvikling av smakssansen hjå barn. Ho brenn for å dele kunnskap om barn, smak og mat på ein lett forståeleg måte. Frida fekk andreplass i Forsker Grand Prix i 2018, den nasjonale konkurransen i formidling av forskning. Ho har også skrive boka «SMAK – Hvorfor barn liker det de liker og hva du kan gjøre med det».
Arne Brimi er ein av dei mest profilerte kokkane i Norge, kokebokforfattar og ein av initiativtakarane til Norsk Smaksskule.
Meisterkokk, Arne Brimi gler seg til å koma igong med nybrottsarbeidet. – Alle regionar har sine særeigenheitar, og vi gledar oss stort til ungdommane i Innlandet skal presenterer våre innlandske matskattar på Maihaugen i oktober, seier Brimi.
Søknader kan sendes til tor@kulturarv.no.
SØKNADFRIST 24. MARS