Hjem / Olavsrosa til Nordigard Blessom

Olavsrosa til Nordigard Blessom

Del
Nordigard Blessom er tildela Olavsrosa av Norsk Kulturarv. Den ydilliske familiegarden i Vågå, som til dagleg er i bruk som gardshotell, går dermed inn i ei eksklusiv gruppe av «kulturarvopplevingar utanom det vanlege». (ALLE FOTO: Helge Eek)

Gardshotellet Nordigard Blessom ligg i solsida over kommunesenteret i Vågå.  Den tradisjonsrike 1700-tals-garden ligg der omkransa av landets mest kjende nasjonalparkar. Nordigard Blessom er i følgje legenden den eldste garden i Vågå, og fortsatt i full drift med sau. Også tidlegare tok ein i mot gjestar på Blessom. Garden var ein ynda stad for kunstnarar som gjesta bygda, der dei måla kjende maleri som i ettertid er vorte viktige delar av landets kunstskattar. Drivar av gardshotellet, Sissel Horntvedt Olsen, vart overraska med Olavsroseplaketten av direktør i Norsk Kulturarv, Erik Lillebråten under eit arrangement på garden fredag kveld.

Dotter i familien, Ingrid Blessom, set stor pris på at Nordigard Blessom no er innehavar av kvalitetsmerket Olavsrosa. - Å restaurere slektsgarden Nordigard Blessom, øvst i Gudbrandsdalen, var ein draum vi lenge bar på. Etter fleire år med omsorgsfull restaurering kan vi nå ynskje velkomen til historiske tømmerhus frå 17- og 18-hundretalet - slik at alle som ynskjer skal kunne kjenna nærleiken og kjærleiken til den rike kulturhistoria i Nord-Gudbrandsdalen saman med oss.  Å få tildelt Olavsrosa er for oss ei anerkjenning for arbeidet som er gjort; Olavsrosa står for kvalitet og er knytta til formidling og oppleving av kulturhistoria vår. Olavsrosa symboliserer ei grunnleggende respekt for fortidas kultur- og skaparevne, samstundes som ho formidlar kunnskap, glede, nytte og spenning knytt til vår eiga tid - idear vi ynskjer å formidle, seier Blessom til kulturarv.no.- Vi er stolte over å føre den norske kulturarven vidare - ved bevaring og «vern gjennom bruk» - nå som stolte innehavere av Olavsrosa.

 


Det er raust og gildt når dei dekkjer opp
til frukost på Nordigard Blessom.

​Direktør i Norsk Kulturarv, Erik Lillebråten seier at det under styrehandsaminga var liten tvil om at garden tilfredsstilte kriteria for Olavsrosa. – Opprustinga og utviklinga av Nordigard Blessom til gardshotell passar veldig godt inn i Norsk Kulturarvs visjon om «vern gjennom bruk». Dette er eit godt eksempel på tilrettelegging for kommersiell virksomheit i og rundt kulturminne. Ikkje minst i ljos av Norsk Kulturarvs rapport «Vern gjennom bruk – Hva hindrer næringsvirksomhet med utgangspunkt i kulturminner?», er tilrettelegginga på Nordigard Blessom eit godt døme, kommenterer Lillebråten.

 

OLAVSROSA

Kvalitetsmerket Olavsrosa blir tildelt opplevingar av særleg høg standard, med omsyn både til kulturhistorie og formidling. Til grunn for tildeling ligg ei vurdering av opplevingstilbodets kulturhistoriske verdi, korleis kulturarven vert ivareteke og formidla til publikum. Sjå fleire Olavsroseobjekt her.

 

 

Publisert 
Fredag, 1 desember, 2017
Les også 

Hennar Majestet Dronning Sonja er no æresmedlem av foreininga Hjerleids Venner. Utnemninga gjekk føre seg då dronninga gjesta Hjerleid skole og håndverksenter på Dovre 9. september. Tekst og foto: Ove Kirkestuen
Foto: Landbruks- og matdepartementet
Foto: Landbruks- og matdepartementet. Den nasjonale Kulturlandskapsprisen 2020 blir tildelt Goarahat og Sandvikhalvøya utvalgte kulturlandskap i Porsanger. Prisen ble utdelt av Landbruks- og matminister Olaug Bollestad tirsdag 18.august
Booker du overnatting på den smarte måten slik at alle pengene du betaler går til overnattingsbedriften og ikke forsvinner til utenlandske skatteparadis? (Foto: Ramsvig Handelsstad)
Sett i et historisk perspektiv har norsk landbruk representert en svært bærekraftig matproduksjon, med små enheter og lite bruk av innsatsfaktorer. Det norske gårdsbruket var uavhengig med lokal forsyning av mat som passet for stedet og egnen. Slik er det nødvendigvis ikke lengre og det er ikke gitt at vi skal komme tilbake dit på sammen måten, men i den kulturelle arven sitter fremdeles kunnskapen vi trenger. I 2020 er vår selvforsyningsgrad av mat mindre enn 44 %, enda lavere på fôr, og volumet er synkende.