Hjem / Gullnål til Nordstoga

Gullnål til Nordstoga

Del
Ellen Nordstoga vart på styremøtet i Fausko førre veke tildela gullnåla frå Stiftelsen Norsk Kulturarv.

Ellen Bojer Nordstoga er tildelt Norsk Kulturarvs gullnål. Nordstoga var styremedlem i stiftinga i meir enn ti år og er med det det styremedlemmet som har sitti lengst gjennom organisasjonen si 23 år lange historie. Styreleiar Kirsti Kolle Grøndahl overrakte gullnåla på vegne av Norsk Kulturarv under styremøtet i Hemsedal førre veke. Grøndahl framhevar Nordstoga sitt breie kunnskaps- og interesseområde for alle delar av den materielle om immaterielle kulturarven. - Nordstoga er oppteken av mat, handverk og bygningsarv, har stor og breid kompetanse og ikkje minst eit omfattande nettverk, seier styreleiaren.

 

Nordstoga har i tillegg til styremedlem også vore aktiv som næringsmedlem og olavsroseinnehavar, som tidlegare eigar og drivar av Mjonøy i Vinje. Gjennom tida i Norsk Kulturarv har Nordstoga vore med å laga premissane for kvalitetsmerket Olavsrosa, som er Norsk Kulturarv si sertifiseringsordning for kulturarvopplevingar i Norge. Nordstoga sjølv vart svært overraska og glad for å bli tildela gullnåla frå Norsk Kulturarv. Nordstoga var nemleg i utgangspunktet invitert til styremøtet for å bli takka av i samband med at ho gjekk av som styremedlem under årsmøtet i Bodø i juni. Lite visste ho om at ho også ville bli tildela den ekslusive gullnåla.- Eg vart veldig glad og veldig overraska. Eg er veldig stolt over å få gullnåla som eg har sett på som ein svært høg utmerkelse for kulturarven. Det har vore spennande, inspirerande og lærerikt å vera ein del av Norsk Kulturarv i så mange år, sier Ellen Nordstoga.

 

Tidlegare er gullnåla tildelt: Christian Sulheim, Martin Vik, Inger-Lise Gjørv, Rune Øygard, Jens Peter Ringstad, Magnar Lussand, Inger-Lise Skarstein og Birger Brandtzæg.

Publisert 
Onsdag, 28 september, 2016
Les også 

Snart kjem Kulturarven nr 86 ut i postkassa til våre medlemmer.
På dagen for 25-årsjubileet til NaKuHel-senteret i Asker er Smia og verkstedet på Sem i Asker er tildelt det nasjonale kvalitetsmerket Olavsrosa.
Meld deg inn i Norsk Kulturarv i dag og få gratis medlemsskap ut året samt Arne Brimis kokebok i velkomstgave! Send kulturarv til 2090
Norsk Smaksskule har i fleire år vore ein del av det internasjonale forskningsnettverket for smak, mat- og kosthaldsvaner, Sapere. Førre veke var dei representerte på University of Cambridge for SAPERE Symposium 2019.